مقترحات حول غرفة غرام

غرفة غرام ليست ملكاً لأحد وانما ملكاً لزوارها
رفاقي زملائي المشرفين اخوتي الزوار أسرة روم غرام رح اكتب كلشي صار بالاجتماع هون وبتمنى الكل يفهمني بدون حساسية وما يفكر بالغلط
على كلا بتمنى نستفد من هل الأمور
اذا اردنا ان نعالج مشكلة ما فيجب علينا تناولها من بدايتها وليس من نهايتها وان نعالج السبب قبل النتائج وهذا يحتاج إلى مواجهة جريئة مع انفسنا ومع زوارنا وبين بعضنا بعضاً وهي مواجهة حوارية نتحث فيها بصراحة واخلاص عن نقاط ضعفنا وعن بعض العادات والتقاليد والمفاهيم التي اصبحت عائقاً حقيقياً في طريقنا الى تقدم في هذه الغرفة التي تجمعنا
فسنبقى رمزاً وسبتقى غرفة غرام كما نريد ان تكون غرفة غرام تجمعنا ..
عندي عدة فقرات وأمور مهمة بدي وجهها للي معنا بالروم بصفة ماستر اولاً
على كل ماستر بالروم اتباع ما يلي :
1- يمنع وضع أي مشرف ( ممبر – أدمن – سوبر أدمن ) ورفع أي عضو لصفة أخرى دون استشارة الإدارة بذلك
2- يمنع تواجد اكثر من 2 ماستر بأي حالة من الحالات ومهما كان عدد الزوار
3- يمنع ايضاً فك بند IP من القائمة مهما كانت الاسباب
4- الأستجابة والرد على جميع الزوار والاعضاء المتواجدين في الغرفة ومساعدتهم في امورهم المقترحة والجواب على اسئلتهم
5- إزالة اي مشرف بأي صفة دون ذكر السبب واستشارة الأدارة فيه



قانون الغرفة المطبق على جميع عناصرها ( إدارة – ماسترات – مشرفين اعضاء وزوار بشكل عام
1 والامر الاهم بالنسبة ألي الي هو عدم تواجد اكثر من اربعة مشرفين مهما بلغ عدد الزوار ومهما كانت الاسباب في ذلك
2- سحب المايك لأي سبب او تجديد الوقت للمتكلم لنفس الحالة او العبث فيه
3- عدم حل المشكلات عام – مايك – والنقاش بأمور هذه المشكلة لأي شخص كان
4- يمنع اعطاء بند من مشرف لمشرف اخر مهما كانت صفة المشرف
5 -عدم وضع اشارة مشغول لأي سبب كان
6- الالتزام بحالة الاشراف حين الدخول فيه واحترام الاخرين
7- الالتزام بالادب وعدم التحدث بامور تافهة ولو بالالغاز
8- يمنع منعاً باتاً النسخ المتكرر لأي شخص ولأي سبب من قبل زائر او عضو ويعطى تنبيه وميوت لو تكرر
9- هيك بنكون خلصنا فقراتنا بالاجتماع بشكل نهائي
بس بدي قلكون
نحن هون بالروم اسرة وحدة واهل واصدقاء وزملاء لا حدا يفكر الامر تسلية او حدا احسن من حدا
هون عم نتعارف على بعض نحب بعض نعجب ببعض
بدنا نصير نقضي وقتنا هون بامور مفيدة ووضع برامج لقضاء وقتنا بشي مفيد والي بدو شي يسئلني
ما رح ابخل على حدا بالجواب والمساعدة على اي سؤوال وطلب ضمن نطاق الروم او خارجها
برجع بزكر وقتنا لي عم نقضيه هون وسيلة للوصول لأمور صعبت علينا واقعياً لعدة اسباب قد يكون منها
الغربة ... المرض ... التعب من بعد العمل والارهاق فيه ... او الحاجة لشيء مفقود ... المعيشة والوضع العائيلي يعني كل منا بفوت لعدة اسباب راجعة للشخص نفسو
يعني النت جزء من واقعنا مهما كان في كزب وخدع وغدر ما بيخلصى الامر يكون في امان وصدق ووعد والخ..
بتشكر الجميع على الاستماع وواعطاء وقت وهدا شرف الي انو كون معكون كأسرة واهل واصحاب بغرفة غرام
نحن نعمل على رفع مستوى الروم بأكتر ما نتمكن ونقدم كلشي عنا من اراء وافكار وحلول مناسبة تناسب الجميع ودمتم سالمين

مشكور اخي بلاك و كلام كلو رائع لو انك اجيت من زمان و ما كنا خصرنا بعض الناس من رومنا و نشالله و بتمنى من الكل يطبئ حكي بلاك بالحرف مشان نكون افضل روم و افضل اسرة بتجمعنا النت و كلام بلاك كلو واضح بعتقد مافي اوضح من هيك و شكر لا بلاك روز و سلام عليكم اخوكم و صديق الروم باسل(بيسووو)

شكراً باسل على ردك للمذكور بأعلى الصفحة وبتمنى من الجميع يستفيد ويتفهم هل الشي

مشكوررر ريانو وهاد الكلام الصح وبتوقع الي زعلو بروم من هل كلام هنن الي بدون يخربو الروم</FONT>

صدقت يا بوفون الي زعل هاد لي بدو يخرب الروم
(( صديق مخسر عدوأً مبين ))

[انو مرحبا كيفكون شو اخباركون انا حابة قول انو كلام بلاك بجنن ودرر وهيك لازم يكون وانا حابة قدم اعتزاري مرة تانية لانو ما حضرت اجتماع وبايوووو ]

يسعد اوئات الجميع انشالله

بالنسبة للموضيع الي طرحها بلاكو كانت جواهر
والله يعطيك العافية بلاكو

وبتمنا نجاح مستمر للروم [b]

- باعتبار هي أول مشاركة الي بالمنتديات بشكل عام وبمنتدى روم غرام بشكل خاص بحب اول شي رحب بكل الشباب والصبايا الموجودين سواء كانو من عيلة روم غرام او من برا .
- بالنسبة للموضوع فأنا رح اعطي رأي بتجرد وبصراحة وبدون مجاملات
بالنسبة لنتائج وقرارات الاجتماع بعتقد ماضفنا شي جديد انا ما حضرت الاجتماع وكنت عارف النتائج بحكم خبرتي الطويلة بروم غرام , بس هالشي ما بيمنع من انو المحاولة والتجربة ضرورية
بس كنت بتمنى انو تكون نتائج وقراارات الاجتماع تكون على مستوى اعلى من هيك وما تكون صادرة عن شخص واحد او تنين
بالنسبة لملاحظاتي فهي كالتالي ورح اعطيها بحكم خبرتي بالروم ومعرفتي بكل الاعضائ الموجودين فيها :
- خفض عدد المودات عن العدد الحالي مارح يحل المشكلة بالعكس رح تكون نتيجتو عكسية ورح نلاحظ هالشي بالأيام القادمة .. الكل بيحكي حكم وبيقول انو مابيهمني مود وانو اللي بيحب الروم لازم يضل فيها بس لما منجي للواقع اي مشرف او حتى ماستر بينسحب اشرافو رح تكون ردة فعلوعكسية ورح نلمس هالشي قريبا"
- بالنسبة للماسترات تحديدا فالغلط بكل أمانة بدئ من عند ادارة الروم لأنو الماستر المفروض ما ينحط بنائ على علاقات شخصية او حتى ..... مادية .
- اذا بدي حط ماستر اسبوع او اسبوعين وارجع شيلو بعد اسبوع فأنا بهيك غلطت اول مرة لما اخترت الماستر الغلط ورجعت غلطت تاني مرة لما شلتوو لأنو بكل بساطة رح يحس بكسرة نفس ويكون رد فعلو عكسي ونفس الشي بالنسبة للمشرفين .
- الحل بكل بساطة مو بتنزيل عدد المشرفين الحل هو انو نلتزم بقوانين الروم وبس
يعني مافي مشكلة اذا كان عندي خمسين او ستين مشرف طالما انو بالروم ماعم يتواجد غير 3 او اربع مشرفين .
كترة المشرفين مو مشكلة لكن كترة الماسترات هي اكبر مشكلة لأنو متل ما بيقول المتل كترت الطباخين بتحرء الطبخة .
طبعا انا بحترم آراء الكل وبالنهاية انا هاد رأي ما بيلزم حدا مجرد ابداء رأي
احترامي للجميع ....

مشكور اخ ليث على مساهمتك بالموضوع ومشاركتك وانا بقدر هل الشي منك وبتشكرك مرة تانية على رأيك وكلامك بما سبق

طبعا اول شي باسمي بهني بلاك روز على الادارة الجديدة ..

بحب احكي كم نقطة بخصوص الاجتماع يلي صار ويلي طبعا انا كنت حاضر فيووو .
اولا: طبعا الاجتماع كان فيووو محاسن ومساوئ خلينا نبدا بالمساوئ تبعت الروم
طبعا انا قريت الموضوع والردود وبوافق ليث على بعض الاراء
1- تم تنزيل عدد كبير من السوبر ادمن وتم تنزيل ماسترات بالروم وانحزف مشرفين برتبة ادمن
هل ها الشي هاد صحيح...؟

رح اعطي رأيي بحكم انو انا عندي معرفة بالروم لانو قديم شوي فيو وبعرف الكل تقريبا

هاد الشي غلط كبيررر لانووو ما دام طرح بالاجتماع عدم تواجد بالروم اكتر من اربعة او خمسة من اي صفة بالاشراف سواء من الماستر الى الادمن فما في داعي للهل الخطوة العكسة

2- طبعا تم ظلم عدد كبير من المشرفين وتم حزف بعضهون لماذا هاد القرار اتخذ ما دام انوو الادارة هيا يلي حطت المشرفين من اي صفة بارادتها وليس رغم عنها هاد شي رح يرجع على الروم بشكل عكسي كبيرر لانو برأأي انا ما دام المشرف او الماستر ما بيصلح لاي صفة من الاشراف بالاساس ليش لحتى ينحط او يترفع وبالنهاية اخر شي بيتفاجأ انو تم حزفووو او تنزيلووو بحجة مصلحة الروم والادارة الجديدة وبحجة التغييرات وهل الشي رح يعطي احباط كبير للجميع
3- طبعا مثل ما عرفتووو انوو جميع ها القرارات تمت عن طريق شخص او شخصين بالروم من جميع الادارة سؤال بيطرح نفسووو هل ها الشي صحيح ؟؟؟؟؟

طبعا برأأي غلط كبير لازم كانت جميع الادارة تعرف بها القرارات وياخدوو الموضوع بشكل جدي

وفي كمان شغلة مهمة جدا جدا جدا لازم الروم ابل الاجتماع عرفت بها الشي ما نخلي الجميع بالروم يتفاجأووو بكل ها الشي ويلي طبعا انا متأكد ما حدا عجبووو شي بالاجتماع ويلي بيحكي عن الاجتماع عجبووو ما بتوقع تكون من قلبووو او مجرد كلام

ثانيا:اخر شي بدي احكي عن المحاسن بالروم يلي صارت بخصوص الاجتماع

طبعا يلي طرح بالاجتماع من محاسن كلنا بنعرف انوو ما تم تغييرر شي كلوو منعرفووو من زمان وكان يطرح بكل اجتماع

بس مثل ما حكى ليث خلينا نجرب الادارة الجديدة ممكن تكون ظلمت كتير بالبداية لكن خلونا نشوف النهاية شو رح تكون

بالنهاية هاد رأأي الشخصي بتمنى ما حدا يزعل مني هي هيا الصراحة واذا حكيت غير هيك بكون عم اكزب

طبعا ولا ننسى انا ما حبيت فوت بتفاصيل المصلحة الشخصية والمادية بكل انواعها انا حكيت بشكل عام عني وعن الجميع وما حبيت فوت بشي خاص

أنو هاي يعني

أول شي يسعد أوئات الكل
تاني شي بدي أشكر بلاك على المقترحات وبما أني يوزر ومالي علائة بالروم أو حتى بإني كون عم علّق هون بس حبيت ضيف شغلة كتير صغيرة.
أنا قريت كل التعليقات وشفت أنو ليث رافض ينسحب المودية من أي شخص أنا معو بهالشي
هلئ من مصلحة الروم يكونو المودات كتار لأنو المود بيبئى بالروم وما بيعود بيطلع منها
ولما بتنسحب المودية من أيا شخص بيصير في حزازة وما بيعود يفضل يفوت على هالروم بيصير بدو يغيرها.

خلص حكيت اللي بقلبي ومشي الحال
مشكورين كلكون كلكون على هالروم الحلوة واللزيزة مع كل ماستراتا وموداتا ويوزراتا
نشالله ما كون نسيت حدا

مسا الخير عن جديد
انا حابب وضح نقطة صغيرة بس
انا ابدا مو مع كترة المودات وانا من الأول كنت ضد انو يكترو المودات بس كان هدفي وقصدي من كلامي انو ما نعالج الغلط بغلط ,,, خلونا نعترف انو نحنا بالأساس غلطنا لما كنا نحط مشرفين وسوبرات . والغلط رح يكون اكبر لما منرجع منزل المشرفين لأنو بصراحة الناس مو لعبة بإيدينا ايمت ما بدنا منزلون وايمت ما بدنا منحطون . اذا بدنا نحاسب خلينا نحاسب اللي حط هالمشرفين
وأنا عطيت الحل المثالي واللي هو انو يبقى الوضع على ما كان عليه ونشدد على عدد المشرفين المتواجدين بالروم
مع احترامي لكل الآراء

شكراً اخ ليث على مشاركتك ومتل ما شفت ومتل ما سمعت عن هل الموضوع
انا رح اكتب موضوع لنقرر فيه هل الشي وتقبل مروري

اول شي السلام عليكم اي فعلا ليث كلامو صح طبعا انا صلي بالروم سنه و شوي يعني الي فتره منيحه اي متل ما حكى ليث المشكله بكتر الماسترات و كمان متل ما حكت فراشه البنت بتستغل الحكي مع الماستر كرمال تاخد اشراف بالروم و مشالله كل يوم كنا نشوف سوبر ادمن جديد و هل شي غلط كبير طبعا انو شخص اول مره بنشوفو بالروم نعطي سوبر ادمن منل كل هل حكي الي شفنا من عدة اشخاص بتمنى انوو الادارة الجديد تاخد هل حكي بعين الاعتبار و تصحح اغلاط السابقين و طبعا متل ما شفنا اخر فتره الناس الي نسحبت اشرافتن صارو يسحبو اي شخص او اي صاحب الو من الروم على روم تانيه و بيعطي اشراف و هل شيى طبعا من صالح الرومات التانيه مو من صلحنا و شفنا كمان الظاهره الجديده الي كترت عنا بالروم الناس الي بتفوت و بتسب و طبعا هل شي كمان بخلي الزوار تكره الروم و معاد ترجعلها لانون عم يشوفو حكي كلو وسخ على العام طبعا في شغله تانيه لما يفوت المشرف على الروم ما بلتزم باشرافوو يعني يمكن تشوف 15 مشرف بالروم و بفوت واحد بسب كانو مافي غير مشرف واحد بالروم هو الي بيمسح الحكي و هو الي ببند و هل شي شفنا و كمان في شي انو بعد ما بلاك حط هل قرارات اليوم التاني صارت مشكله بيني انا باسل و سام و طبعا تم اختراق للقوانين الي هي بند من مشرف لا مشرف و النظر على المشكله من طرف واحد و ليس من طرفين و انا طرحت هل مشكله موضوع و بتمنى منكن تردو عليه و انا رح بطرح القانون مع المشكله بموضوعي و شكرا الكون و تقلب مروري بلاك